სიახლეთა არქივი
კვიორშსამოთხხუთპაბშაბ
 12345
6789101112
13141516171819
20212223242526
2728293031 

გენდერული თანასწორობის საბჭო: სიახლეები

25/11/2020
 
მარტვილის მუნიციპალიტეტის საკრებულო უერთდება 16 დღიან კამპანიას, გენდერული ძალადობის წინააღმდეგ, რომელიც მსოფლიოში 25-ნოემბრიდან 10 დეკემბრის ჩათვლით 1991 წლიდან აღინიშნება. 16 დღის განმავლობაში, მარტვილის მუნიციპალიტეტის საკრებულო გეგმავს როგორც ონლაინ შეხვედრების სერიას, ისე საინფორმაციო სოც. მედია აქტივობების განხორციელებას.
ქალთა მიმართ ძალადობა და ოჯახში ძალადობა ადამიანის უფლებების დარღვევაა, რომელიც მნიშვნელოვან დაბრკოლებას წარმოადგენს გენდერული თანასწორობის მისაღწევად. ბოლო წლების განმავლობაში, საქართველოს ხელისუფლების მიერ არაერთი მნიშვნელოვანი ღონისძიება განხორციელდა ქალთა მიმართ ძალადობის და ოჯახში ძალადობის აღმოფხვრის და პრევენციის მიზნით. მათ შორის, დაიხვეწა კანონმდებლობა, შეიქმნა დამატებითი საკანონმდებლო გარანტიები ძალადობის მსხვერპლთათვის და გაძლიერდა ინსტიტუციური მექანიზმები. ამის მიუხედავად შეგვიძლია ვთქვათ, რომ პრობლემა კვლავ აქტუალურია, რასაც კიდევ უფრო ართულებს პანდემიის შედეგად გამოწვეული გარემოებები. ქალთა მიმართ ძალადობის და ოჯახში ძალადობის წინააღმდეგ ბრძოლა მუნიციპალიტეტის პრიორიტეტია. დემოკრატიულ, თანასწორუფლებიანობაზე დაფუძნებულ საზოგადოებაში მიუღებელია ძალადობა. განსაკუთრებით მნიშვნელოვანია, რომ საზოგადოებაში ქალთა მიმართ და ოჯახში ძალადობა გახდეს სოციალურად მიუღებელი ქცევა.
მარტვილის მუნიციპალიტეტის საკრებულო მხარს უჭერს ქალთა მიმართ ძალადობის და ოჯახში ძალადობის მსხვერპლებს. ქალთა მიმართ და ოჯახში ძალადობის დაძლევა საერთო საქმე და საერთო პასუხისმგებლობაა. მნიშვნელოვანია, საზოგადოების თითოეულმა წევრმა გავაცნობიეროთ, რომ თვალის დახუჭვა, გულგრილობა, გვერდზე გადგომა დაუშვებელია, და რომ თითოეული ადამიანის ერთი ზარი შესაძლოა გადამწყვეტი აღმოჩნდეს სხვა ადამიანის სიცოცხლის და ჯანმრთელობის დასაცავად.

 

1/08/2019
 
 

2019 წლის 1 აგვისტოს, 11:00 სთ-ზე, მარტვილის მუნიციპალიტეტის საკრებულოს სხდომათა დარბაზში გენდერულ საკითხებთან დაკავშირებით შეხვედრა გაიმართა.

პროექტის „საქართველოს შერჩეულ მუნიციპალიტეტებში გენდერული ინსტიტუტების (გენდერულ თანასწორობაზე პასუხისმგებელი პირებისა და გენდერული თანასწორობის საბჭოების) დანერგვის ხელშეწყობის“ ფარგლებში, მარტვილის მუნიციპალიტეტის გენდერული თანასწორობის საბჭოს წარმომადგენლებთან შეხვედრა გაიმართა.

აღნიშნული პროექტის ფარგლებში შეხვედრა, ქალთა საინიციატივო ცენტრის (WIC), ინიციატივით მოეწყო.

ასევე იხილე კატეგორიაში - გენდერული თანასწორობის საბჭო:
ჩვენი მისამართია:
3100, ქალაქი მარტვილი, თავისუფლების ქუჩა, №10
E-mail:martvili.mun@gmail.com 
Tel: 577 95 92 00

ცხელი ხაზი: 577 95 92 00